60 Шесто ПРАВИЛА ЗА ОДНЕСУВАЊЕ НА ИНТЕРНЕТ

 

 ПРАВИЛА ЗА ОДНЕСУВАЊЕ НА ИНТЕРНЕТ
Корисниците на Интернет треба да знаат дека:
• Не се секогаш точни и сигурни сите веб сајтови или содржини поставени на Интернет.
• Не се секогаш добронамерни сите луѓе кои комуницираат на Интернет.
Ако си корисник на Интернет за да се заштитиш од непријатности и несакани случки придржувај се до следните совети:
• За сите ситуации во кои не си сигурен како да постапиш побарај совет  од некој на кого му веруваш и кој добро ги познава предностите, но и замките на Интернетот (родител, наставник).
• Никогаш не ги откривај на други лозинките кои ги користиш на Интернет затоа што можат да бидат злоупотребени. На пример, некој може да чита, брише и испраќа од твое име електронска пошта или во твое име да разговара на Интернет и да те направи учесник во непријатни случки.
• Не внесувај свои податоци и e-mail адреса на непознати и несигурни веб сајтови и не одговарај на непознати e-mail пораки затоа што можеш да бидеш „нападнат“ од реклами или вируси.
• Никогаш не го внесувај на Интернет бројот на кредитната картичка на своите родители, за да купиш или нарачаш нешто, без дозвола и совет од своите родители.
• Остани непознат за непознатите соговорници затоа што и најзлонамерните може да се преправаат дека се љубезни, добри, дека се деца или тинејџери.
• Не давај свои лични или податоци за членовите од твоето семејство (име и презиме, адреса, телефон или фотографии) на непознати соговорници на Интернет. Разговарај искрено за своите ставови и мислење, но не го откривај својот идентитет.
• Ако решиш да се сретнеш со некого кој си го запознал на Интернет нека биде тоа на јавно место. Никогаш не можеш да знаеш што е вистина од договорот на Интернет. Не оди сам, веднаш оди си, јави се на телефон и побарај помош ако почувствуваш дека нешто не е во ред или нешто не ти
се допаѓа.
• При разговор на Интернет не употребувај навредливи и непристојни зборови.
• Текстот при разговорот не го пишувај со големи букви. Тоа е исто како да викаш.